Scoge na kico bo kier traha.

 

Con nos por yuda bo

 

Terapia Individual

Nos ta ofrece terapia na adolescente y adulto pa diferente keho. E simponanan trata ta inclui:

  • Tristesa y sinti ‘down’

  • Miedo y ansiedad

  • Problema cu balor propio

  • Trauma

  • Adiccion

  • Problema cu drumimento

  • Problema social of emocional

  • Rouw y perdida

  • Burn out y stress

Terapia den grupo (pronto!)

Den futuro nos ta spera di por facilita terapia den grupo pa e siguiente casonan:

  • Adiccion

  • Maneho di rabia

Consulta pa compania

Ademas di ofrece servicio clinico directo, nos por ofrece tambe sosten na compania y organisacion pa medio di resolucion di conflicto y mediacion. Por fabor traha un cita pa un sesion di informacion gratis di 30 minuut pa mira con nos por sostene structura di bo organisacion y ambiente profesional.

Desaroyo di Comunidad

SPIA tin un compromiso continuo cu desaroyo di comunidad y haci cuido di salud mental accecibel pa tur Arubiano. Relaciona cu esaki cu gusto nos ta ofrece workshop, training y seminario na publico general y organisacion. Colaboradornan cu ya a ricibi nos servicio:

  • Aruba Police Corps (KPA)

  • Fundacion Anti-Droga di Aruba (FADA)

  • Consultorio Pa Asuntonan y Addicion (CAA)

  • DIMAS

  • Rotary Club of Aruba

  • Fundacion pa Hende Muhe den Dificultad (FHMD)

Si bo ta interesa pa mira con nos por mehora servicio sea den bo organisacion of pa publico general, por fabor no duda pa traha un cita gratis pa un sesion di informacion di 30 minuut.

FAQ: Kico seguro ta cubri?

 

Mi tin AZV.

Bo NO TA cubri. Bo ta responsabel pa e costo completo di e tratamento. Si bo tin problema cu e costo di tratamento, puntro tocante nos opcion di “Sliding Scale.”

 

Mi ta un studiante di 18-23 aña y mi mayor(nan) ta traha na gobierno.

Bo TA cubri. Por fabor trece un ‘verwijsbrief’ di bo dokter di cas. Ta posibel cu bo mester paga un parti di e costo (eigen bijdrage).

Mi tin AZV+.

Bo TA cubri. Por fabor trece un ‘verwijsbrief’ di bo dokter di cas. Ta posibel cu bo mester paga un parti di e costo (eigen bijdrage).

 

Mi ta traha na WEB, SVB, AZV, ELMAR, CMB of Banco di Caribe.

Bo TA cubri door di bo seguro (WEB, ELMAR, Citizen, PAL, Boogaaard, ENNIA).

Mi pareha ta traha na gobierno.

Bo TA cubri. Por fabor trece un ‘verwijsbrief’ di bo dokter di cas. Ta posibel cu bo mester paga un parti di e costo (eigen bijdrage).

 

Mi ta traha na un hotel (Marriot, Hyatt, Ritz Carlton, RIU etc.)

Bo POR TA cubri door di bo seguro (Citizens, Pan American Life, Nagico, Ennia, Boogaard, Fatum, Massy). Tuma contacto cu bo compania di seguro pa tur detaye.

Mi ta bou di 18 aña y mi mayor(nan) ta traha na gobierno.

Bo TA cubri. Por fabor trece un ‘verwijsbrief’ di bo dokter di cas. Ta posibel cu bo mester paga un parti di e costo (eigen bijdrage).

 

I work for a small business.

Bo POR TA cubri. Check cu bo dunado di trabou pa sa si nan por cubri (of cubri parcialmente) un parti di bo sesionnan.